ସରକାର ଙ୍କ COVID-19 ନିୟମକୁ ଖୁଲମଖାେଲା ଉଲଂଘନ

ଅନୁଗୋଳ YSN ୨୭/୦୮:ଅନୁଗୋଳ ଜିଲ୍ଲା କିଶୋରନଗର ବ୍ଲକ୍ ଅନ୍ତର୍ଗତ ଉରୁକୁଳା ସେବା ସମବାୟ ସମିତି ରେ ଆଜି ଦେଖିବାକୁ ମିଳିଛି ଅଭାବନୀୟ ଦୃଶ୍ୟ । ଆଜି ଶହ ଶହ ଲୋକମାନେ ସାର ନେବାପାଇଁ ସେବାସମବାୟ ସମ୍ବୁଖ ରେ ଏକତ୍ରିତ ହୋଇଥିଲେ ସୁଦ୍ଧା, ସମସ୍ତେ ମାସ୍କ୍ ପରିଧାନ ଓ ସାମାଜିକ ଦୂରତାକୁ ଭୁଲି ଯାଇଥିଲେ । ଦିନକୁ ଦିନ ଅନୁଗୋଳ ଜିଲ୍ଲାରେ କରୋନା ମହାମାରୀ ଭୂତାଣୁ ତାର କାୟା ବିସ୍ତାର କରୁଥିବା ବେଳେ, ଆଜି ଏଠାରେ ଜନସାଧାରଣ ମାନେ ସରକାରଙ୍କ ନିୟମ କୁ ଖୁଲମ୍ ଖୋଲା ଅଣଦେଖା କରିଚାଲିଛନ୍ତି ।

ଏପରି ସ୍ଥଳେ ସେବା ସମବାୟ ତରଫରୁ ମଧ୍ୟ COVID-19 ନିୟମାନୁଯାୟୀ କୌଣସି ପ୍ରକାର ବ୍ୟବସ୍ଥା ଗ୍ରହଣ କରାଯାଇନଥିଲା । ଏପରି ଅବ୍ୟବସ୍ଥା କୁ ନେଇ ଯୁବଶକ୍ତି ନ୍ୟୁଜ ପ୍ରତିନିଧି (ବଇଣ୍ଡା) ସେବା ସମବାୟ ର ସେକ୍ରେଟାରୀ ଙ୍କୁ ପଚାରିବାରୁ ସେ ଧମକ ଚମକ ଓ ନାଲି ଆଖି ଦେଖାଇ ନ୍ୟୁଜ ପ୍ରତିନିଧି ଙ୍କୁ ସର୍ବସାଧାରଣରେ ଦୁର୍ବ୍ୟବହାର କରିଛନ୍ତି । ଯଦି ଭବିଷ୍ୟତରେ ସରକାରଙ୍କ ନିୟମକୁ ଏପରି ଉଲ୍ଲଂଘନ କରାଯାଏ, ତେବେ ଜନ ସାଧାରଣଙ୍କ ଜୀବନ ପ୍ରତି କରୋନା ଭଳି ମହାମାରୀ ବିପଦ ସୃଷ୍ଟି ହେବାର ସମ୍ଭାବନା କୁ ମଧ୍ୟ ଏଡ଼ାଇ ଦିଆଯାଇନପାରେ । ଏଥିପ୍ରତି ପ୍ରଶାସନର ଦୃଷ୍ଟି ଆକର୍ଷଣ କରିବା ନିମନ୍ତେ ଜନସାଧାରଣ ଙ୍କ ମଧ୍ୟରେ ଚାପା ଗୁଞ୍ଜରଣ ସୃଷ୍ଟି ହୋଇଛି ।

ରିପୋର୍ଟ :ଅବିନାଶ ପ୍ରଧାନ,ବଇଣ୍ଡା ବ୍ଲକ୍